Fotografia e komandantit legjendar, Adem Jashari, është shfaqur sot në billborde në një nga autostradat më të frekuentuara në Amerikë.
Këtë e ka mundësuar kompania shqiptaro-amerikane “Tafingo”, e cila vepron në SHBA dhe Kosovë, për 14-vjetorin e pavarësisë.
Fotografitë e Adem Jasharit janë vendosur në billbordet në autostradën I-95, që fillon nga Bostoni dhe mbaron në Florida, për të uruar ditën e pavarësisë së Kosovës dhe për të promovuar shtetin e Kosovës te miliona amerikanë që udhëtojnë në këtë rrugë çdo ditë.
“HAPPY INDEPENDENCE DAY KOSOVA! 14th ANNIVERSARY” është mbishkrimi, që bashkë me fotografinë e komandantit legjendar, Adem Jashari, shumë amerikanë do ta shohin për një javë.
Stafi i kësaj kompanie ka deklaruar se kjo është një mënyrë e mirë për ta promovuar Kosovën te populli amerikan.
