Shkolla fillore “Ibrahim Kelmendi” si dhe 6 shkolla tjera të komunës së Preshevës sot kanë marë emaila kërcënues për vendosje të bombave, merr vesh rtvpresheva.com
Emailet kërcënues janë pranuar në orët e paraditës ku udhëheqësit e shkollave janë njoftuar se në shkollat e tyre është vendosur bomba.
Pas paralajmërimeve kërcënuese menjëherë janë njoftuar organet policore të cilat kanë urdhëruar evakuimin e nxënësve dhe personelit arsimorë. Për momentin forcat policore po kryejnë hetimet, raporton rtvpresheva.com
Dy shkollat e mesme në Preshevë, deri në momentin kur po raportojmë nuk kanë marr kërcënime të tilla andaj mësimi është duke vazhduar pa probleme
Kujtojmë se ditëve të fundit Serbia por edhe disa vende tjera ballkanike po ballafaqohen me alarme të rrejshme për vendosje të bombave në shkolla dhe institucione tjera.

