Analisti amerikan: “Dritan Abazoviç, është pro-rus”

Date:

“Dritan Abazoviç, kryeministri në detyrë i Malit të Zi, është pro-rus”.

Kështu të paktën ka shkruar në rrjetin e tij social në Twitter, Jason Jay Smart, një analist dhe strateg i politikave amerikane, pas shkarkimit të shefit të Agjencisë së Sigurisë Kombëtare, Savo Kentera, nga ana e Abazoviç.

Cilësimin e Abazoviç si pro-rus, Smart, e mbështet në reagimin e menjëhershëm të ambasadores të Shteteve të Bashkuara të Amerikës në Mal të Zi, Judy Rising Reinke, i cili tha se tashmë i shkarkuari Kentera kishte marrë një pozicion të fortë anti-ruse.

“Ambasadorja e SHBA-ve në Mal të Zi na la të kuptojmë se kryeministri Abazoviç është pro-rus”, ka shkruar Smart në rrjetin e tij social në Twitter.

Dritan Abazoviç në mbledhjen e radhës të Qeverisë së Malit të Zi kishte shkarkuar drejtorin e Agjencisë së Sigurisë Kombëtare, një ditë pasi kolegut të tij partiak, Rade Millosheviçit, ishte ngritur aktakuzë nga ana e drejtorit tashmë të shkarkuar, Savo Kantera.

Largimi i Sava Kenterës nga kreu i Agjencisë së Sigurisë Kombëtare, sipas Presidentit të Malit të Zi, Milo Gjukanoviç “është një kontribut i mëtejshëm në përpjekjet e tyre që duan ta bëjnë Malin e Zi jofunksional”.

Partia Demokratike e Socialistëve kishte vlerësuar se shkarkimi i Kenterës ishte një “akt i rëndë hakmarrjeje” nga Abazoviç “për shkak të veprimit të kryer nga kjo agjenci ndaj personave të lidhur me shërbimin rus, por edhe shprehje e frikës se hetimi nisur nga agjencia në lidhje me shtypjen e ndikimit rus, të çojë në vetë kryeministrin”.

Kommentieren Sie den Artikel

Bitte geben Sie Ihren Kommentar ein!
Bitte geben Sie hier Ihren Namen ein

Share post:

Subscribe

spot_imgspot_img

Popular

More like this
Related

GJEJEMJEKUN.COM – IDEJA QE SYNON TA SJELLE SEKTORIN SHENDETESOR TE KOSOVES NE NJE VEND

Gjetja e nje mjeku, klinike apo sherbimi shendetesor ne...

Si e shteroi Irani arsenalin raketor të Amerikës

Një armëpushim mund t'i ketë dhënë fund luftimeve midis...