Facebook ka njoftuar se i ka suspenduar 30.000 llogari të rreme në Francë, në përpjekje për ta ndalur shpërndarjen e lajmeve të rreme dhe keqinformimit.
Ky vendim, i cili vjen disa ditë para rundit të parë të zgjedhjeve presidenciale në Francë, është njëri prej vendimeve më agresive të Facebook deri më tani ndaj llogarive që i shkelin kushtet e shërbimeve të saj, në vend se thjesht t’iu përgjigjet ankesave, transmeton Express.
Facebook ndodhet nën presion të shtuar në Evropë pasi qeverinë nëpër kontinent kanë kërcënuar me ligje dhe gjoba të reja nëse kompania nuk lëvizë më shpejt për ta larguar propagandën ekstremiste apo përmbajtjet tjera që i shkelin ligjet vendore.
Kohëve të fundit kjo shprehi e shëmtuar e profileve të rrejshëm është bërë dukuri e theksuar edhe në Luginë ku përmes profileve të rrejshme fyhen dhe ofendohen në mënyra më të paskrupullta figurat e ndryshme publike dhe me metoda të ulëta mundohen të ndikojn në krijimin e opinionit publik./rtvpresheva.com/

