Pas provokimeve me avion luftarak të cilët sot po qarkullojnë në hapsirën ajrore të komunës së Preshevës, provokime këto që po vazhdojn edhe në këto momente, ka reaguar Kryetari i komunës së Preshevës, Shqiprim Arifi:
Sot rreth orës 14.00 qytetarët e Komunës së Preshevës janë shqetësuar nga fluturimi në distancë të ulët të avionëve ushtarak të Republikës së Serbisë.
“Me indinjatë të thellë konstatojmë se veprimet e tilla shtojnë pasigurinë dhe ankthin tek shqiptarët e Luginës së Preshevës. Ftoj institucionet përkatëse qëndrore të mos keqpërdorin hapsirat e Komunës sonë për demonstrimin e forcave si reagim i ngjarjeve politike të shënuara ditë më parë.
Gjithashtu siguroj qytetarët e Komunës së Preshevës se kemi mbështetjen dhe besimin e plotë të miqve tanë ndërkombëtarë dhe ftoj që ti përmbahemi provokimeve eventuale dhe aktiviteteve spontane”, thuhet në deklaratën e Shqiprim Arifit në profilin e tij në facebook./www.rtvpresheva.com/
