Guvernatori i Bankës Qendrore të Kosovës, Fehmi Mehmeti, ka pritur në takim përfaqësuesit e Rrjetit të Bizneseve të Diasporës Shqiptare me seli në SHBA. Ata patën një kërkesë specifike për guvernatorin.
Kërkuan që të hapet një bankë për pjesëtarët e diasporës.
“Në takimin e zhvilluar u diskutua mundësia e investimit në sektorin bankar të Republikës së Kosovës. Me këtë rast, përfaqësuesit e Rrjetit të Bizneseve të Diasporës nga ShBA-ja shprehën gatishmërinë për fillimin e procedurave për hapjen e bankës së diasporës në Kosovë”, thuhet në njoftim. Nga ana tjetër guvernatori Mehmeti mirëpriti këtë iniciativë duke i informuar më në detaje përfaqësuesit e këtij rrjeti, me kërkesat ligjore të BQK-së për licencimin e një banke./www.rtvpresheva.com/
