Shqiprim Arifi, në studio televizive po pretendon se Vuçiqi e ka shkarkuar nga posti I kryetarit të komunës së Preshevës
Ai po e ndërlidh “shkarkimin” me gjobën që e mori për vendosjen e flamurit kombëtar në godinën e komunës me 28 nëntor.
Kujtojmë se për vendosjen e flamurit janë gjobitur të gjith liderët e Luginës së Preshevës varësisht cili ishte në pushtet.
Por, cila është e vërteta e “shkarkimit” të Shqiprim Arifit?
Ligji për vetëqeverisje lokale në Serbi thot qartë se “nëse kuvendi komunal nuk mbanë seancë më tepër se tre muaj dhe nuk e voton buxhetin deri në fund të vitit ai shpërbëhet”.
Kuvendi I Preshevës seancën e fundit e kishte mbajtur me 23.07.2023, pra para nëntë muajve. Pas kësaj séance, koalicionit qeverisës I përbërë nga APN e Shqiprim Arifit, LR e Sami Salihut dhe SNS I Aleksandar Vuçiqit ju largua këshilltari I APN-së Argjend Sherifi si dhe këshilltari Naser Aziri me çka pushteti APN-LR-SNS humbi shumicën për të qeverisur. Kjo shumicë nuk arriti as ta miratojë buxhetin për vitin 2024.
Sipas ligjit mbi vetëqeverisjen lokale, Qeveria e Serbisë do duhej që ta shpërbënte kuvendin e Preshevës me datë 23.10.2023 kur I kishte mbushur tre muaj pa u mbledhur, por ata heshtën duke I mundësuar edhe për 6 muaj jashtëligjshëm të qëndrojë në pushtet Shqiprim Arifi dhe koalicioni I tij.
Deri te shpërbërja e kuvendit erdhi vetëm atëher kur pushteti I Vuçiqit arriti marrëveshje me opozitën serbe për shpalljen e zgjedhjeve lokale në të gjitha komunat në Serbi, pra edhe në Preshevë.
Vlenë të theksohet se në vitin 2017 pushteti I atëhershëm I Ardita Sinanit humbi shumicën dhe Qeveria e Serbisë fiks pas tre muajve mosmbajtje të seancës e shpartalloi kuvendin komunal dhe e emëroi Shqiprim Arifin kryetar të organit të përkohshëm. Gjithashtu edhe në vitin 2020, pushteti I atëhershëm kishte humbur shumicën dhe përsëri Qeveria e Serbisë e kishte emëruar Arifin kryetar të organit të përkohshëm.
Andaj, Shqiprim Arifi nuk është shkarkuar nga askush, ai ka humbur shumicën për të qeverisur me Preshevën.

