Një person është plagosur në orët e mbrëmjes në qytetin e Skenderajt, në sheshin e të cilit po festohet nga ku u raportua edhe për të shtëna me armë.
Lajmi është konfirmuar për Gazetën Online Reporteri.net, nga zëdhënësi i Policisë së Kosovës për Rajonin e Mitrovicës, Avni Zahiti.
“Rreth orës 20:45, është raportuar se në QKMF-Skenderaj, viktima mashkull i moshës 33 vjeçar, ka kërkuar tretman mjekësor si pasoj e lëndimit nga një predhë (plumbi), sipas autoriteteve mjekësore raportohet se gjendja e viktimës është jashtë rrezikut për jetë. Nga hetimet e para bëhet e ditur se lëndimi i viktimës ka ndodhur në sheshin “Adem Jashari” në Skenderaj.”, tha Zahiti për Reporteri.net.
Ai tha se rasti është iniciuar dhe po hetohet si “Shkaktim i rrezikut të përgjithshëm”.
Në qytetin e Skenderajt sipas rezultateve të Komsisionit Qendror të Zgjedhjeve po prin kandidati I PDK-së, Fadil Nura.
