Mogherini: E kam mërzi që s’mund ta quaj Kosovën shtet kur jam në Prishtinë

Delegacioni për dialog i kryesuar nga Shpend Ahmeti dhe Famir Limaj sot janë takuar me Federica Mogherinin, përfaqësuesen e Lartë të Bashkimit Europian.
Mogherini i ka thënë dekelgacionit kosovar se ekziston një klimë në Kosovë dhe Serbi për arritjen e marrëveshjes gjithëpërfshirëse. “…se a do të merreni vesh apo jo, kjo varet nga ju”, ka thënë Mogherini gjatë takimit, fjalë këto që i ka përcjellë Shpend Ahmeti në Klan Kosova.
“Ne e kemi dëshirën që t’ju ndërmjetësojmë, por nuk ju përzihemi se për çka merreni vesh”.
Madje diplomatja e BE-së ka thënë se mosmarrëveshjet ndërmjet Kosovës dhe Serbisë nuk mund të zgjasin pafundësisht.
“Mogherini sot tha: unë e kam shumë mërzi kur vij në Prishtinë dhe nuk mund të them ky shtet – e kam problem pasi unë përfaqësojë 28 shtet dhe pesë shtet nuk e kanë njohur Kosovën – kjo është e qartë se nuk mund të zgjasë kështu tërë kohën”, tregon kështu Ahmeti momente nga takimi me Mogherinin.